Jennifer Cardini er ein super stjørna, tá tað kemur til undurgrundselektroniskan tónleik. Hon byrjaði sína yrkisleið í París, har hennara plátufelag Correspondant verður sæð sum eitt label, sum altíð er 2 fet framman fyri, tá tað snýr seg um, hvat verður kul á dansigólvinum.

Tá Jennifer var ung, var áhugin fyri lo-fi, minimal, 70'ara new wave tónleiki stórur, og hesin áhugi hoyrist aftur í tónleika framleiðsluni og í hennara dj settum. Tónleikurin kann lýsast sum tungur, avantgarde og sofistikeraður. Tað var hesin stílurin, sum gjørdi at Jennifer skapaði sær eitt navn í Fraklandi, har hon hevði eitt fast klubbkvøld á kenda Rex Club í París og Le Pulp í Montpellier.

Jennifer flutti frá París til Køln, har hon hevur samstarvað við viðurkenda plátufelaginum Kompakt. Tað var her umdømið vaks, og yrkisleiðin byrjaði at blomstra. Nú telist hon millum teir mest virðismettu diskarum í undurgrundini. Jennifer ferðast javnan kring allan knøttin, og tú kann finna hana aftanfyri pultin á klubbum og festivalum sum Pacha, Panorama Bar, Mayan Warrior, Boiler Room, Melt festival, Salon Zur Wilden Renate.