Vit gleða okkum at vera vertir fyri FRUM á G! á fyrsta sinni í 2018. Higartil hevur føroyska listafólkið hevur hugtikið okkum vid 4 stakløgum. Listin hjá FRUM er fødd av náttúrliga forvitni hennara, og av spurningum hennara til og um fatanina av rúminum kring hana. Við at grundarleggja skapanina á lutir frá gomlum siðum og nýmótans lívi, leiðir FRUM áskoðaran inn í ein skiftandi alheim, har spurningar um tilveru verða settir, og ikki neyðturviliga svaraðir. FRUM skapar tónleik, ið ikki einans er fangandi, men sum eisini leiðir lurtaran á eina ljóðferð við sterkum visuellum myndaheimi.