Suðurasiatiskt tónalag, R&B og Electro poppur, blandað á serstakan hátt úr ymsum mentanum, hava veruliga givið Priyu Ragu vind í seglini. Altjóða tónleikamiðlar rósa unga stjörnuskotinum úr Sveis upp um skýggja, og teir spáa henni altjóða viðurkenning í 2022.(Tað gera vit á G! eisini).

Priya Ragu hevur spælt á stórum showcase festivalum, sum ESNS, By:Larm og SXSW. Hon hevur eisini framfört sangin Lookdown í undirhaldssendingini Later hjá Jools Holland á BBC, og hendan ferðin hevur givið úrslit, tí Priya Ragu varð vald til Amazon Music ́s Breakthrough Artist of 2022.

Harumframt er hon á 'Spotify first listen Radar', VEVO DISCR Artist og Deezer Focus Artist. Vit gleða okkum til at Priya Raga kemur at ríka okkum öllum lötuna á spæliplássinum fríggjakvöldið á G!