Giddygang er ein bólkur av ungum dugnaligum tónleikurum úr Oslo. Teirra mál er at gera heimin til eitt stuttligari og fjákutari stað. Tónleikurin minnur um klassiskan Hip Hop tónleik við íblástri frá J Dilla og The Roots. Men tónleikararnir í bólkinum koma allir frá einari fjølbroyttari bakgrund í Gospel, Nordiskum Jazz og Soul.

Bólkurin fór í studio undir korona at fyrireika upptøkurnar til teirra fyrsta Mixtape. Útgávan kom út í 2020, og hevði tveir gestir við: rapparin og trompet spælarin Tennishu frá Burcher Brown og suðurafrikanski/norski rapparin Vuyo. Vuyo er eisini partur av live framførsluni.