Nógv er hent síðan Lea Kampmann gav út sítt fyrsta staklag í 2017 - Hon vann "ársins tónleikari" á FMA í 2018, og síðan 2019 hevur hon útgivið heili 5 stakløg. Komandi heildarútgávan "If I ever made you cry, I'm sorry"  vísir eina nógv búnaða Leu við fangandi og bleytum pop løgum, har teksturin ofta snýr seg um lívsins trupuleikar og upplivingar við tildømis kærleika, angist, at finna seg sjálvan og hvíla í sær sjálvum. 

Lea Kampmann hevur verið gestur á G! Festivalinum fyrr, og vit gleða okkum at bjóða henni aftur á pall í summar, og síggja fram til eina foyta konsert á spæliplássinum.