Trífalt FMA vinnarin JASMIN er við á G! í ár.

Um vit skulu lýsa tónleikin við tveimum orðum, er tað “dapur og sexy”, tí tað er júst hesa kensluna tú fært, tá ið tú lurtar eftir “not that surprised”, ið er nýggjasta EP útgávan hjá bólkinum.

Tónlistarligi alheimur teirra hevur røddina hjá Jasmin (forsangarinna) sum miðpunkt, ið málar eina vakra og myrka mynd. Støðuga menning teirra hevur ikki bara gjørt JASMIN til fastan gest í føroyskum útvarpi, men tey hava eisini verið at hoyrt í donskum útvarpi.

Bólkurin heldur fram við at mennast og við at deila sínar bjørtu og ungu litir við restina av heiminum, og tey hava nógvar ætlanir fyri framman.