Boy Pablo er 22 ára gamal sangari-sangskrivari, og margljóðførisleikari. Hann bleiv kendur við sjónbandinum til staklagið Everytime frá 2017, ið breiddi seg sum eldur á alnótini - eitt offbeat lo-fi sjónband, ið skein sum ein fjaldur diamantur á ráu og harðligu alnótini, har Pablo saman við vinfólki spælir niðri við sjóvarmálan í heimbygdini.
EPin frá 2018 Soy Pablo, er ein hugtakandi útgáva við sjey blendandi og sorgblíðum kamarspoppløgum, sum prógvað, at hann er meira enn bert eitt alnóts fyribrigdi. 

Nicolas Munñoz (Boy Pablo) kom við síni fyrstu útgávu Wachito Rico í fullari longd 23. oktober 2020. Serliga ljóðmyndin av tokuta og romantiska indie-poppinum, sett saman við einum skurrandi retro ljóði við suðurlendskum 60-ara ljóðum, kemur ordiliga til sín rætt. Stílurin hevur mildar tilsipingar til suðuramerikansku bakgrundina og skemtiliga persónleika hansara.