Aftanfyri Calby er danski sangskrivarin og tónasmiðurin Mik Thybo. Sangirnir hjá Calby samantvinna soul-pop og indie rock tónleikastílin við einum vissum tíðleysum ljóði, sum fær teg at ivast, um vit lurta eftir tónleiki frá 70'unum.

Calby skrivar flestu sínar sangir saman við Magnus Larsson, sum er limur í bólkinum hjá Lukas Graham. Sanginir snúgva seg um evnir, sum vit kenna okkum aftur í, so sum kærleiki, angist osfr.

Calby útgav sína fyrstu útgávu út í mai, við heitinum 'Burnout'. Hon er blivin sera væl móttikin, og fekk millum annað 5 stjørnur í tónleikablaðnum Gaffa.

Í ár skrivaði Calby undir ein nýggjan plátu sáttmála við plátufelagið Republic Records, sum hevur útgívið tónleik hjá Ariana Grande, Taylor Swift, og Stevie Wonder. So har liggja stórar vónir aftanfyri Calby, og vit gleða okkum at hoyra unga stjørnuskotið á G! 2021.