Dávur Poulsen er Føroyingur og hevur framleitt egin løg í nógv ár, hann hevur remiksað fyri Perceptive Records, Orka, Dánjal á Neystabø, Hús, Høgna Lisberg, Knút Háberg Eysturstein og bleiv nr. 2 í remikskapping hjá Sander Van Doorn.

Dávur hevur spælt á Grundini fyrr við navninum Playmo, og hevur gestað aftan fyri nógvar pultar bæði í Keypmannahavn og her heima á oyggjunum.

Tónleikastílurin hjá Dávur kann lýsast, sum tungur og pumpandi við íblástri frá Detroit og Berlin. Dávur framførir eitt live techno set við egnum løgum Fríggjakvøldi á Grundini.