Føroyska Rebekka Petersen gav í 2018 út fløguna ‘Vekt’. Hon hevur sjálv framleitt fløguna, sum er ein hugleiðing um at kenna seg tungan í huga. Samspælið millum sjálvrannsakandi tekstir um angist, undran um tilveruna og hennara droymandi sorgblíðu løg er hugbindandi og vakurt.  Rebekka tók tað mesta av fløguni upp í Ostahúsinum í eina viku. Hon hevur blandaðar kenslur um at fáast við tónleik. Hon elskar at skriva og taka upp, men kennir seg ikki heilt heima á pallinum. Tað er tí okkum ein stórur heiður, at hon kemur á G! í summar. 

Umframt at vera nógv spæld í Kringvarpinum, er ‘Vekt’ eisini spæld bæði í Týsklandi og Póllandi og útgávan var á Apple ‘best of the week’ í Danmark.