Seinastu árini hevur G! festivalurin notið gott av goysandi íslendskari hipp hopp og rapp orku. Hesar løturnar hevur G! veitslan verið í hæddini, og tey flestu munnu minnast løturnar, tá Reykjavikurdætur and Úlfur Úlfur fingu alt upp at kóka. Vit vita ikki hví íslendskt hipp hopp og rapp virka so væl á G! Kanska er tað mentanarliga og málsliga tilknýtið millum londini, sum ger at hesin tónleikur verður so væl móttikin. At íslendskt hip hop virkar á G! festivalinum er í hvussu so er ein sannroynd. Tí er tað sjálvfylgja, at vit seta Emmsjé Gauta, sum leingi hevur verið týðandi partur av íslendska rapp og hipp hopp umhvørvinum, á skránna. 

Yvirdrivin poppur, skemtingarsemi og meistaralig rím eyðkenna íslendska Emmsjé Gauta, sum hevur tryggjað sær pláss í íslendsku tónleikasøguni við løgum sum "Silfurskotta" and “Reykjavík”. 

Vit vita, at tá íslendsku grannarnir koma á pallin á G!, VERÐUR TAÐ KLIKKAÐ SVAKT.