Hans Andrias hevur sínar røtur í tónleikaralívinum í Klaksvík. Sum einstaklingur fekk hann í 2012 Planet Awards heiðurin sum “Ársins nýggi einstaklingur” og hevur síðani verið nógv umbiðin kring landi og uttanlanda. Til FMA 2017 vann hann Áhoyraravirðislønina og var tilnevndur til “Ársins sangara”.

Hann hevur spælt á øllum festivalum í Føroyum, spælt í Sveits og gjørt tónleik til ein týskan film.

Í løtuni arbeiðir saman við danska teatrinum TeaterTyven, har hann ger føroyskar vøgguvísur til framsýningina Nordiske Vuggeviser, sum verður í sjónleikarhúsinum Musikhuset í Århus, saman við m.a. Tinu Dickow. Seinni í ár fer hann á konsertferð í Evropa, m.a. Danmark og Pólandi.

Í Septembur 2016, lat Hans Andrias, frá sær sína fyrstu fløguútgávu, ið ber heitið Vision. Nýggja útgávan rúmar 9 løg, ið kunna bólkast í sjangruna Folk/Americana rokk. Tekstirnir eru allir á enskum. Løgini leiða tankarnar til sterkar kenslur og myrkar søgur. 

Vision hevur fingið góða umrøðu! Á Kvørnini fekk hon 4,5 av 6 stjørnum.