Sást tú sjónbandið, tá ið Urbanus stóð norðuri á Kallinum við vitan og framfördi sín ravtökniliga tónleik? Heilt óskiljandi vakurt sjónbandalag, sum tú burdi hugt og lurtað eftir. Leinkjan er her: Urbanus - Sundown Mix at Kallur Lighthouse (DJ set). Vit fáa hettar á G!, hóast tað verður niðri við sjóvarmálan.
Urbanus hevur í nógv ár verið ein umráðandi partur av föroyska tónleikalívinum, og fleiri munnu minnast hann, sum helvtina av bólkinum The Ghost, ið hann hevði saman við Filipi Mortensen. Síðani tá hevur hann kanska ikki verið so sjónligur, men hevur arbeitt stöðugt víðari við ymsum, og er av sonnum ein av okkara fremstu ravtökniligu tónleikarum – undangongumaður vildi onkur sagt.