MØ gav fyrstu fløguna ‘No Mythologies to follow’ í 2014 og hevur longu vunnið sær støðu sum ein alheims poppsensatión og kanska stórsta altjóða navnið úr Danmark nakrantíð.

Hon hevur spælt útseldar konsertir um allan heimin, vunnið at kalla alt sum vinnast kann av heiðurslønum í heimlandinum.

Mø hevur samstarvað og sungið saman við m.ø. Iggy Azelia, Major Lazer, Snakehips, Justin Bieber og mongum øðrum. Lagið Lean on saman við Major Lazer er sæð 1,8 milliardir ferðirnar á Youtube. Lagið Final Song er spælt 260 milliónir ferðirnar á Spotify. Og tað gongur framvegis beint uppeftir móti móti hægri og hægri tindum hjá MØ, sum í løtuni arbeiðir við síni næstu fløgu, ið kemur út í ár.