KONNI KASS hevur eftir stuttari tíð vunnið seg fram á føroyska tónleikapallinum. Fyrsta útgávan HAPHE bleiv sera væl móttikin í bæði í Føroyum og útlondum, har áhugin fyri bólkinum hevur verið sjónskur. Við framførðsum á Spot Festival í Danmark, Reeperbahn Festival í Týsklandi, har tey eisini vóru tilnevnd til Anchor Award, Iceland Airwaves í Íslandi og live í útvarpsrásini Radioeins í Berlin, kann ikki sigast annað, enn at bólkurin vinnur sær altjóða viðkenning.

Tónleikurin, ið er drivin av eini livandi og andríkari rødd, spælir sær fínliga við ein heim av synthum og rúmdareffektum. Løg sum SURRENDER,  SOUNDS og TIME hava verið nógv at hoyra seinastu mánaðarnar og limirnir Konni Kass (sang, saksofon), Torleik Mortensen (bass), Knút Háberg Eysturstein (tangentar) og Per Ingvaldur Højgaard Petersen (trummur) hava veruliga funnið eitt sermerkt ljóð í útgávuni HAPHE. 

Í løtuni eru tey á útgávukonsertferð í Danmark og Týsklandi.