Syng við á Sandinum
Eftir eina frálíka konsert á Sandinum, har fjøldin dansaði føroyskan dans afturvið góðum tónum frá Anniku Hoydal, verður Lucy Rose næst á stóra palli, áðrenn skipað verður fyri stórslignari sangløtu. Tekstirnar til sangirnar, ið verða sungnir á Sandinum í kvøld, eru at finna á: https://gfestival.fo/sang
G! Festivalurin hevur í ár fingið vælkenda Kim Hansen at standa fyri felagssanginum, og hann hevur boðið nøkrum av okkara fólkakærastu tónleikarum at vera við at gera løtuna heilt serstaka.
Á pallinum í ár vera Danny and the Veetos, Uni Debess, Karl Martin Samuelsen, Martin Joensen, Eyðun Nolsoe, Annika Hoydal og Eivør tá tey saman við G! gestunum fara at trína í nakrar av okkara dýrabarastu sangskattum. Kl. 23.25 fara hesi saman við Kim m.a. at syngja um 80ini og mítt land; um lítlu Elisabet og Elinborg, og so sjálvandi eisini um ‘alduna’ saman við aldunum á Gøtusandi.
Tekstirnir til sangirnar, ið verða sungnir á Sandinum í kvøld, eru at finna á: gfestival.fo/sang
