Við eini granskandi tilgongd hevur hann grivið runt í gomlum amerikonskum sangskattum og ljóðupptökum. Hann skilur upprunan av hesum tónleiki og megnar at gera hann til sín egna – og so greiðir hann skemtiliga frá, á eini konsert, at hann ongantíð hevur verið í Amerika, og mann hugsar, at fer hann nakrantíð, tá missir hann kanska tann gandin, sum umgirðir alt hansara huglag.

Tíbetur hevur hann enn ikki verið í statunum. Tvörtur ímóti, so hevur hann tappað inn í tann föroyska sangskattin, og hevur til seinastu konsertirnar við sínum nýggju föroysku lögum givið eina ábending um, at hann kanska hevur gjört sín besta tónleik nakrantíð. Kom og hoyr ein av okkara allarbestu föroysku listafólkum, tá ið Lyon Hansen kemur at framföra á G! 2025.

Vanliga avdúka vit hvönn týsdag eitt navn á umfatandi skránni fyri G! 2025, men hesa vikuna er Spæl Föroyskt vika, tí práta vit bert um föroysk növn og avdúka hvönn dag í vikuni enn eitt frálíkt föroyskt navn. Gleð teg at uppliva Hall Joensen, Marius DC, Beinir, Benjamin Rajani, Gretu Svabo, Jóannes Joensen / Bass Elvis, GØ, jazzygold, Lyon Hansen og nógv onnur.

G! verður dagarnar 17.-19. juli í ár. 
Tú mást fara!