15 jul 2022
Teitur vendir aftur at hátíðarhalda summarið í Syðrugøtu
At G! er komið aftur eftir tvey ár í dvala merkist veruliga í føroyska tónleikaumhvørvinum, ið hevur saknað at kunna savnast til hátíðina, ið fagnar føroyska tónleikinum í fagrasta hásummarveðri. “Summer of Love 2.0” kallar Teitur skemtiliga hesa vikuna, men sigur tó meira álvarsliga, at hetta er akkurát tað, sum hevur manglað.
Leygardagin vendir Teitur aftur til Syðrugøtu, har hann trínir á pall saman við donsku tónleikarunum Jacob Hoyer og Jeppe Skovbakke og føroysku Benjamin Petersen og blásarunum Kristina Thede Johansen, Ernst Remmel og Dávur Magnussen. Á skránni verður blandað nýtt og gott gamalt.
Teitur spælir við bólki á Sandinum leygardagin kl. 18:25.
