29 Jun 2022

Tónleikaskráin er kunngjørd fyri G! 2022

Festivalfyrireikingarnar eru veruliga farnar í gongd, og tað byrjar bæði at merkjast og at síggjast í Syðrugøtu. Tí eru vit spent endaliga at kunngera 12 nøvn afturat skránni á G! 2022, sum nú kann sigast at vera púra liðug.

Í tónleikaskránni eru 45 bólkar, sum spæla á G! yvir 3 dagar – hesir eru úr USA, Trinidad & Tobago, Brasilu, Ísrael, Bretlandi, Ungarn, Sveis, Norra, Íslandi, Svøríki, Danmark, og sjálvandi úr Føroyum. Festivalurin í ár verður sum vit kenna hann undan koronu og fer enn einaferð at seta altjóða dám yvir Syðrugøtu.

Guðrið Hansdóttir hevur verið virkin tónleikari í tvey áratíggju og hevur við sínum fangandi, nærlagda og melankolska tónleiki vunnið hjørtuni á bæði føroyskum og útlenskum áhoyrarum. Guðrið hevur spælt víða um og hevur verið á fleiri tónleikaferðum í eitt nú USA. Nú er hon aftur aktuell við 6. solo útgávu síni, við heitinum “Gult myrkur”, sum hevur verið sera væl móttikin. Løgini “Blátt myrkur” og “Træ”, har Gurðið syngur saman við Eivør, hava verið nógv spæld í føroyskum og týskum útvarpi. Nýggja útgávan er persónlig, erlig og beint frá hjartanum.

Tina Mellem er eitt nýtt føroyskt stjørnuskot, sum vit øll kenna aftur frá X-Factor í Danmark. Tina skuldi spæla síðsta ár, men vit fingu ongantíð høvið at uppliva hana á G! 2021 – men tað var eitt stórt ynski at fáa hana aftur á skránna í 2022.

Lena Anderssen er ein av okkara fólkakæru songkvinnum, sum hevur verið fulltíðarvirkin í á tónleikapallinum, bæði í Føroyum og uttanlands í mong ár. Við fimm útgávum í rygginum og tí sættu – State of the Land – ávegis, fer Lena við bólki at framføra bæði eldri løg og nýggjar sangir á Sandinum fríggjakvøldið 15. juli.

Tá ið grundin letur upp hóskvøldið, verður tað í nýggjum hami. Alt hóskvøldið fara vit at hoyra tungmálm í grundini. Og, sum nakað sera forkunnugt, fara vit at uppliva SIC á palli fyri seinastu ferð, mannaðir við Eddie, Frans, Gudmari, Magnusi, Bartali og øðrum gestasangarum. Eisini fara vit at hoyra Impartial, sum spæla melodiskan tungmálm. Teir vunnu Wacken Metal Battle fyri nøkrum árum síðan, og líkt er til, at bólkurin nú hevur tikið stafettina sum oddabólkur á sterka føroyska tungmálmspallinum. LLNN, Katla, og Iotunn spæla eisini í Grundini hóskvøldið.

Terr er ein garvaður tónleikaframleiðari úr Brasil, men við stöð í altjóða býnum Berlin, har hon eisini rekur sítt egna plátufelag. Hon kemur at diska pumpandi elektrotónar í Grundini fríggjakvøldið. Tarante Groove Machine er ein bólkur úr Ísrael, og kann kallast ein ordans PARTY bólkur, sum spælir alt frá samba, reggae til balkan-tónleik – og teir eru seinasti bólkur á pallinum á G! 2022.

Svenska Lucky Lo spælir eisini eina solo konsert á Spæliplássinum fríggjakvøldið, og bretin Phat Phil Cooper kemur beinleiðis úr Ibiza at diska fyri okkum í Grundini.

Kristni blues og americana bólkurin Blátt Gras setir festivalin í gongd á spæliplássinum hósdagin; feskasti rokkbólkurin í Føroyum í løtuni Eimyrja spælir leygarkvøldið í Grundini áðrenn electro-pop songkvinnuna FRUM. Føroyski Hallur Kárason, sum diskar undir navninum Atlas, kemur eisini at spæla í Grundini fyri fyrstu ferð.

Skráin fyri fjósið og barnatiltakið verður kunngjørt í næstum.

15 Jul 2022
Teitur vendir aftur at hátíðarhalda summarið í Syðrugøtu

At G! er komið aftur eftir tvey ár í dvala merkist veruliga í føroyska tónleikaumhvørvinum, ið hevur saknað at kunna savnast til hátíðina, ið fagnar føroyska tónleikinum í fagrasta hásummarveðri. “Sum… Read more »

15 Jul 2022
Sand, simplicity and shared humanity take centre stage with José González

Equipped simply with a nylon-string guitar and a kind authenticity, Swedish-Argentinian singer-songwriter José González has no issues selling out the biggest venues in London or Sydney or anywhere in… Read more »

14 Jul 2022
Icelandic Daði Freyr fires up the North Atlantic beach party

Icelandic musical mastermind Daði Freyr already had a substantial repertoire in his native language behind him when he decided to make up the new fictitious band ‘Gagnamagnið’ and compete in Eurovisio… Read more »

14 Jul 2022
Elinborg performs new EP at G!

G! 2022 will witness Elinborg revealing the new music she has been working on the last couple of years. Lately her style has started flirting with electropop, and in addition to the newly released sin… Read more »

13 Jul 2022
Forty-four years of rocking the boat, and there’s no stopping in sight

Carlene Carter is the embodiment of women pushing boundaries, expressed through the deep roots of country. A girl born into the legacy of generations perpetuating Southern Americana music, her rebelli… Read more »

13 Jul 2022
Join Iotunn on an extreme metal journey into the cosmos

At G! 2022 metal band Iotunn invites the festival guests to join on a hi-tech and hard-hitting expedition into the cosmos and - possibly - back again. Equipped with their newest album “Access All Worl… Read more »