Tá grundin letur upp hóskvøldi, verður tað í nýggjum hami. Alt hóskvøldið fara vit at hoyra tungmálm í grundini. Sum nakað heilt serligt, fara vit at uppliva SIC á palli fyri seinastu ferð, mannaðir við Eddie, Frans, Gudmar, Magnus, Bartal og øðrum gestasangarum.

Sic byrjaði sína tónleikaferð í 2002. Tónleikurin teir spæla er eitt sterkt bland av thrash og tungmálmi, og SIC kann uttan iva kallast tann svakasti live bólkurin, sum føroyar hava fostrað. Teir hava 3 heildar útgávur á baki “Pandemonium”, live útgávan “Si Vis Pacem, Para Bellum” og “Fighters They Bleed”. 

Vit á G! eru errin av at bjóða SIC aftur á pall og síggja fram til eina sermerkta, orkufulla, men eisini sorgblíða konsert í Grundini Hóskvøldi.