Festivalökið letur upp hósdagin 13. juli kl. 16:00

Áseting av armbondum er í Magn í Götudali, Tutl, OY, við inngongdina og í Töting. 

• MAGN: Týsdag, mikudag og hósdag kl. 11:00 til 23:00
• TUTL: Týsdag, mikudag, hósdag kl. 10:00 til 17:30
• OY: Týsdag, mikudag og hósdag kl.10:00 til 18:00
• INNGONGDIN: hósdag og fríggjadag frá kl. 14:00 og úteftir og leygardag frá kl. 10:30 og úteftir
• TÖTING: týsdag og mikudag kl. 10:00 til 20:00, hósdag, fríggjadag og leygardag kl. 10:00 og úteftir.

Framførandi og starvsfólk skriva seg inn og fáa armband í Töting, upplatingartíðir omanfyri.

Börn

Börn 12 ár og yngri sleppa ókeypis á G! í fylgi við vaksnum.

Atgongumerkjasölan

Vikuskiftispass, dagspass og tjaldingapass fáast til keyps her á síðuni.

Tjaldingarökið
(NB fyri at sleppa inn á tjaldingarökið krevst bæði tjaldingararmband og festivalarmband)
Tjaldingarökið er í Norðragötu, ímillum kirkjugarðin og fótbóltsvöllin. Tjaldingarökið letur upp mikudagin 12. juli kl. 16:00 og letur aftur sunnudagin 16. juli kl. 12:00. Útpurring kl. 10:00. Tjöld sum ikki eru tikin niður sunnudagin kl. 14, verða niðurtikin og beind burtur. Festivalurin tekur onga ábyrgd av gloymdum lutum. Virðislutir so sum lyklar, telefonir verða latin inn á politistøðina.

Armbond
Fyri at sleppa inn á tjaldingarökið, skalt tú hava vikuskiftispass, VIP, starvsfólka- ella dagspass saman við tjaldingarpassi. Armbond verða sett á mikudagin og hósdagin í SMS, Tutl og Magn í Götudali.
ONGIN ARMBANDSÁSETING ER VIÐ TJALDINGARÖKIÐ. Meðan festivalurin er verða armbond bert ásett við inngongdina til festivalin.

Vesi og brúsur
Vesivognar eru beint uttanfyri tjaldingarökið. Brúsur eru í ítróttarhúsinum í Sarpugerði. Brúsurnar eru tökar frá kl. 14.00 – 18.00 hósdagin, fríggjadagin og leygardagin. Kostnaður fyri at nýta brúsurnar er kr. 30.

Tjaldingarreglur álagdar av Brunaumsjónini eru at finna niðanfyri:

Tjaldingarreglur
Av trygdarávum og sambært vegleiðing frá avvarðandi myndugleikum er festivalurin undirlagdur nakrar treytir ið skulu fylgjast av öllum, ið eru á tjaldingarökinum. G! hevur góðar vónir um at gestirnir finna kreativar loysnir og fylgja vegleiðingunum.

– Tað ber ikki til at hava glasflöskur við á tjaldingarökið.
– Tað er ikki loyvt at brenna bál, hava egna grill ella gassbluss í ella uttanfyri tjöldini.
– Vegna atlit til grannar, og fyri at tryggja tann góða föroyska grannasiðin, er tað ikki loyvt at hava við sær djór, fýrverk ella lufthorn.
- Friður skal vera ímillum kl. 06 - 14.
– Vaktirnar á ökinum leiðbeina, tá ið tjöld verða sett upp, og hava seinasta orðið um uppseting.
– Tað ber ikki til at nýta presendingar ella annað at leggja út yvir tjöld, ella at leinkja tey saman.
– Tað ber heldur ikki til at hava heimagjörd tjöld við.
Stöddin á tjaldinum skal svara nökulunda til stöddina á einum 4-manstjaldi. 

Familjutjalding
Familjutjalding eru í urtagörðum hjá fólki í Syðrugötu. Atgongd til familjutjalding kann bert keypast á heimasíðuni hjá G!  Atgongd til vesi og brúsu er í húsunum.

Húsvognar
Ökið til húsvognar er kring fótbóltsvöllin í Sarpugerði í Norðragötu, nær við tjaldingarökið. Á ökinum er möguleiki at binda í streym (1kw pr. vogn - rökkur ikki til hitablásarar), fáa vatn og at töma bukkur. Eisini fæst brúsubað fyri 30 kr í ítróttarhúsinum. Upplatingartíðir: hósdag, fríggjadag og leygardag frá kl.14:00 -18:00.

Keyp atgongd til húsvagnaökið í nethandlinum.

Familju-kamping í Syðrugötu.
Familjukampingin er út á keiini í Syðrugötu. Hetta ökið er serliga ætlað familjum, ið vilja gista í egnum húsvogni.
Til ber at fáa vatn, streym o.a til húsvognar. (1kw pr. vogn - rökkur ikki til hitablásarar)

Keyp atgongd til húsvagnaökið á gfestival.fo.

Gisting í Götu- og Leirvíkar Skúla
Í skúlanum við Götugjógv verður möguleiki at leiga sær eina skúlastovu. Við hesum hava familjur ella bólkar möguleika fyri at leiga sær ból í skúlanum, við atgongd til kök, bað og wc. Hetta er ein snild loysn til teirra, ið eru væl mannað og ynskja at gista turt, heitt og nær við festivalökið. Bussur koyrir pendul millum Syðrugötu og tjaldingarökið, og eftir tilkalling úr Leirvík.

Átta madrassur eru í hvörjari skúlastovu, sum sostatt tekur í mesta lagi átta fólk.

Skúlin er opin frá hósdegnum 13. juli kl.15:00 til sunnudagin 16. juli kl.12:00

Gisting í skúlanum kann keypast í nethandlinum. Morgunmatur er til keyps í skúlunum.

Hav bátin við á G!
Avmarkað nögd av bátaplássum er í Syðrugötu. Atgongd er til streym og vatn. G.G: Streymveitingin rökkur ikki til hitablásarar.

Bátapláss kunnu keypast í nethandlinum.

Av tí at tað er sera trongligt at koyra í Syðrugötu, meðan tað verður gjört klárt til festivalin, verður heitt á tey, ið skulu hava kampingvogn í Syðrugötu, um at koma longu í vikuskiftinum undan festivalinum.

Tit vera biðin um at ringja á telefon +298 237455, tá ið tit eru á staðnum, so eitt umboð fyri G! kann taka ímóti tykkum og vegleiða í parkering.

GG. Minnist til at hava atgongumerki til kamping við!

Av tí at tað er avmarkað av parkeringplássum í Syðrugötu, ber ikki til at hava bilin parkeraðan her! Víst verður til parkeringspláss við Götugjógv og í Norðragötu.

Lagt verður upp til at komið verður við húsvognum sunnukvöldið 9. juli og týskvöldið 11. juli. Boðið frá á 237455 tá ið tit koma, so fólk frá okkum kunnu vegleiða. Av trygdarávum kunnu bilar ikki standa parkeraðir ímillum húsvognarnar, og verða tit tí biðin um at parkera á kajini í Norðragøtu ella fram við ánni.

GG. Minnist til at hava atgongumerki til kamping við!

Festivalbussar
Aftur í ár eru bussar millum festivalökið, kampingökið og Leirvík. Um tú skalt úr Leirvík má bussurin tilkallast, tel nr: 519899

Bussarnir koyra hesar tíðir:
Hósdag til leygardag frá kl. 16:00 til 04:00 koyra teir pendul millum kampingökið og festivalökið. 

Atgongd til bussin kann keypast á gfestival.fo og í bussinum. Um tú keypir frammanundan kostar armband fyri allar tríggjar dagarnar 130 kr. Keypir tú í bussinum kostar tað 150 kr. Ein túrur kostar 20 kr. og kann bert keypast í bussinum.

Bygdaleiðir á G!
Leið 400 hjá Bygdaleiðum koyrir ímillum Havnina og Klaksvík og steðgar við Götugjógv. Sí ferðaætlan fyri leið 400  á ssl.fo

Náttarbussur

Náttarbussur til G! koyrir úr Vestmanna kl 22, fyrst til Havnar og síðani úr Havn kl 23, koyrt verður ígjøgnum sundalagið norð á G!

Náttarbussurin koyrir aftur ígjøgnum sundalagið til Havnar og síðani til Vestmanna hesar tíðir:

Hóskvöldið kl. 02 úr Norðragötu og steðgar við Götugjógv.
Fríggjakvöldið kl. 04 úr Norðragötu og steðgar við Götugjógv.
Leygarkvöldið kl. 04 úr Norðragötu og steðgar við Götugjógv.

Ferðaseðil á 200 kr verður goldin í bussinum.

Hýruvognar og minibussar

Hýruvognar eru beint uttan fyri festivalökið. Koyrt verður allar festivaldagarnar. Hýruvognur kann bíleggjast við at taka appina biltaxi niður, ella við at ringja tlf. 323232. Meira kunning á taxi.fo

Átta hitapottar vera á sandinum.

Upplatingartíðirnar eru allar festivaldagarnar kl.10:00 til 22:00.

Atgongd fæst við einum armbandi, ið kann keypast á heimasíðuni ella við pottarnar. 

Armbandið kostar 200 kr og kann brúkast alt vikuskiftið. Minst til handklæði og svimjiklæði.

Njótið tiltiknu samanrenningina av heitu pottunum og kalda atlantshavinum. 

Tað er sera týdningarmikið fyri G! at öll hava möguleika at koma á festival, tí vilja vit fegin gera tað lættari fyri tey, ið á ymsan hátt eru tarnað.

Fylgjari
Törvar tær fylgjara og tú hevur fylgjarakort frá Megd, ber til at fáa eitt vikuskiftis-atgongumerki til hendan við at sýna kortið. Fylgjarin fær armbandi ásett í fylgi við tarnaða. Vert er at leggja til merkis, at bert eitt atgongumerki er til taks fyri hvört fylgjarakort, og tí er talan um ein fylgjara, ið fær verið við tær allar dagarnar.

Vesi viðurskifti
Mitt á festivalökinum er eitt alment vesi, har atgongd er til rullustól. Hetta vesið verður eisini brúkt til skiftirúm hjá smábörnum og barnafamiljum.

Serskilt áskoðarapláss
Serskild ákoðarapláss verða gjörd til rörslurtarnað. Hesi verða merkt við skelti, eru lift upp og hava rampu atgongd. Stólur, til illa gongd, verður settur á sama stað.

Innkoyring
Bilar frámerktir til rörslutarnað hava atgongd til Syðrugötu, og parkering verður ávíst eftir avtalu.

Minnist til at hava fylgjarakortið við!

Á G! hava vit sum mál, at tú skalt kunna eta teg mettan av einum fjölbroyttum úrvali av góðum mati, sum smakkar væl.

Ókeypis matur
Í nökur ár hevur verið siður at bjóða festivalgestunum onkran forkunnugan mat framleiddan úr lokalum rávörum. Í ár verður soleiðis hövi hjá öllum festivalgestunum at royna ein saltfiskarætt, sum kokkarnir á Hotel Föroyum matgera burturúr rávöru frá söguríka PRG saltfiskavirkinum í Götu. PRG byrjaði framleiðsluna í hölunum, har Grundin er nú. Umframt at hava eina hugnaliga máltíð saman á sandinum er endamálið við hesum tiltaki at vekja ans og áhuga fyri föroyskari rávöru og framleiðslu.