Saint Levant á G!
2 mió fólk í heiminum lurta eftir Saint Levant um mánaðin, hóast tað ikki eru meira enn tveir mánaðir síðan, at debut EP'in kom út. Tað er við øðrum orðum eitt glóðheitt poppnavn, ið vit vit í dag avdúka á G!.
Saint Levant, føddur Marwan Abdelhamid er tónleikari av blandaðum palestinskum, fronskum, algeriskum og serbiskum uppruna.
Hann varð føddur í Jerusalem og vaks upp í Gaza. Saint Levant blandar enskt, franskt og arabiskt og skapar við hesum eina serliga útgávu av popptónleiki.
Orðaspælið á trimum málum virkar ómakaleyst og dragandi, og hevur staðfest hann sum eitt nýbrot á altjóða tónleikapallinum, ið fær hjørtuni á lurtarum við, tá hann spælir.
Saint Levant fær íblástur frá farnum stórvitum úr arabiska heiminum og frá samtíðar tónleikarum, og hetta skapar eitt frameftir-teinkjandi R&B- og hip-hop kent ljóð, ið fer út um mørkini á nakrari siðbundnari sjangru. Hann setti nýliga 2048-felagsskapin á stovn, hvørs arbeiði snýr seg um at fíggja livikostnaðin hjá ungum palestinskum listafólki.
Umframt hetta gevur hann sín tónleik út gjøgnum sítt egna felag, ið eisini ber 2048-navnið. Sangurin ‘Very Few Friends’ er blivin eitt stórt hitt, og hann er ein av 7 sangum á ‘From Gaza With Love’ ið Saint Levant gav út sum sína debut-EP hin 6. mars 2023.
