8 nøvn løgd afturat skránni
Stjørnuskotið Priya Ragu spælir R&B og electro popp, við suðurasiatiskum tónalagi. Hon hevur veruliga fingið vind í seglini seinasta árið, og altjóða tónleikamiðlar rósa unga sveisaranum upp um skýggja.
SONS úr Belgia spæla psykadeliskan garasju punk, ið ferðast við 120 km/t. SONS blivu kendir fyri at blása áhoyrararnar um koll við sínum framförslum, og tað gleða vit okkum til á G!
Pom Poko er ein norskur punk-popp-art rokkbólkur - tað er ringt at lýsa tónleikin, men hann er orkufullur, flökjasligur, spennandi, stuttligur og góður at dansa til.
Suchi hevur rötur í Delhi, men er född í Oslo og uppvaksin í London. Einaferð um mánaðin skipar hon fyri sendingini Through The Smog á Delhi útvarpsrásini boxout.fm. Sum diskari er hon kend fyri at blanda saman slagverk, indiskt disco, 90 ́ara progressivt house, UK break, trance, electro og techno.
Telemama er eitt friskt lot á tunga og myrka føroyska tónleikapallinum! Teir spæla lívligan indie rokk, við íblástri frá heimskendum bólkum so sum Arctic Monkeys og The Strokes og nýggjari tónleikarum so sum Her’s, Mac DeMarco og Boy Pablo.