Tikk, takk, tikk, takk…. og eitt, tvey, trý, so er G! á gáttini.

Tá ið vit byrjaðu at arbeiða við festivalinum, vistu vit, at tað kanska fór at verða trupult at bóka bólkar, og fáa allar tónleikaranar til Føroyar, alt eftir hvussu støðan var her og rundan um okkum. 

Ótryggleikin rundan um tað at ferðast og núverandi koronu støðuna hevur havt við sær, at vit hava verið noydd at gera nakrar broytingar í G! skránni.
José González, Asaf Avidan, Busy P, og MYD hava tíverri verið noyddir at avlýsa, men vit arbeiða við at flyta teir til  skránna í 2022. Við núverandi sóttarhaldsreglum, ber tað ikki til hjá teimum at koma til Føroyar, og samstundis at halda aðrar bindandi avtalur.
Vit hava tó arbeitt hart við at fáa eina fullgjørda G! skrá, og tó at tað enn kunnu koma broytingar, sum eru uttan fyri okkara vald, so vóna vit, at tað ringasta er av, og at støðan bara broytist til tað betra, nú vit nærkast festivalinum.

Tær næstu vikunar fara vit at kunngera restina av G! skránni 2021, og vit gleða okkum meira enn nakrantíð at síggja tykkum á G!