Eftir at hava fylgt gongdini við koronasmittuni, týddi alt meira og meira uppá, at tað fór at verða ein avbjóðing at hava festival. Eftir seinastu fráboðanina frá landstýrinum, er avgjört at avlýsa festivalin í ár.

Hetta er ein tung avgerð at taka, men öll hava vit ábyrgd at ansa eftir hvörjum öðrum, og vit á G! mugu við harmi ásanna, at tað er ikki ráðiligt at hava festival í summar.

Öll tit, sum trúföst hava vitjað festivalin, hjartaliga takk. Uttan tykkum var einki G!, og vit hyggja frameftir við gleði, og vóna at hátíðarhalda 20-ára dagin komandi summar saman við tykkum.

Tá hjálparpakki 3 er samtyktur, fara vit at kunna nærri um möguligt endurgjald av atgongumerkjum, og hvat hetta merkir fyri framtíðina hjá festivalinum.