14 Feb 2020

Robert Plant við bólkinum Saving Grace á G! 2020

Tað er ein heiður fyri okkum á G! at kunngera Saving Grace ft. Robert Plant & Suzi Dian sum part av festivalinum í summar!
 
Navnið Robert Plant er víðakent kring allan knøttin. Forsangari í enska bólkinum Led Zeppelin og ein rokk legenda burturav, Plant er vorðin eitt ógloymandi ikon. Samstundis er hann leitandi og hevur altíð flutt seg frameftir í tónleikaheiminum, sum hansara solo yrkisleið eisini er prógv uppá.
 
Saving Grace er eitt nýtt tónleikasamstarv millum fimm royndar og gávuríkar tónleikarar, ið millum annað hýsir heimskenda Led Zeppelin sangaranum. Bólkurin byrjaði at framføra í 2019 og leggur nú leiðina til G! Festival í juli mánaði. Bólkurin tulkar eldri løg úr ymsum sjangrum, t.d. folk, bluegrass, blues og roots. Tónleikurin er í sentrum og alt snýr seg um at tæna tí einstaka sanginum.
 
Michael Anthony Johannesen, tónleikastjóri á G!, sigur soleiðis um bókingina: "Eg havi ikki fingið armarnir niður enn! Øll kenna Led Zeppelin og frontmannin Robert Plant. At hann kemur at standa á Gøtusandi í summar er næstan óveruligt. Síðan Led Zeppelin, hevur hann útgivið ikki minni enn 15 plátur og 42 stakløg, har seinasta útgávan kom út í 2017. Hann hevur prógvað, at líkamikið hvørja bólkasamanseting hann hevur við sær, hevur hann altíð megnað at bergtikið fjøldina. Saving Grace er hansara nýggjasta tónleika verkætlan, og tónleika ummælini hava verið heilt framúrskarandi, so festivalgestirnir kunnu vænta sær eina rættiliga serstaka og inniliga framførslu við áðurnevndu tónleikalegenduni á odda.
 
Festivalurin kemur at kunngera fleiri nøvn komandi tíðina.

 
Saving Grace ft. Robert Plant & Suzi Dian – ummæli:
 
“They truly are a band of joy!” – Toni Woodward, Americana UK

24 Jun 2025
G! kicks off at the campsite on Wednesday, July 16th

If you haven’t already dug out your tent, now might be the time to do it. Read more »

17 Jun 2025
Sissal to perform at G!

She just took the world by storm with her powerful voice, making history as the first Faroese artist ever to reach the Eurovision final — broadcast live from the stage in Basel. Read more »

3 Jun 2025
The 2025 Lineup Is Ready

G! 2025’s daily lineup is out, and single-day tickets are now on sale. Read more »

27 May 2025
Bring the children to G!

G! is a party for children too! The best day of the year! Read more »

20 May 2025
öð

Benjamin Djurhuus leads this new band öð, which merges a unique palette of sounds. Read more »

20 May 2025
VAVAÐ

VAVAÐ is a new collaborative project between poet Rannvá H. Glerfoss and musician Sjúrður D. Tróndheim. Read more »