Late night vibes í Syðrugøtu
Ein hendingaríkur dagur er farin aftur um bak, men stemningurin á G! økinum er enn av tí besta. G! festivalurin byrjaði við einum braki! Rag´n bone man og Swangah hava megnað at skapa eitt tey røttu vibes hóast tað bara er mikukvøld
Vælnøgdir festivalgestir ganga framvegis á sandinum og njóta ta síðstu løtuna ið eftir er av kvøldinum. Aldurnar flyta seg stillisliga aftur og fram, meðan fólk hittast og deila sínar skemtiligu hugsanir við bæði kend og ókend.
Mjørkin hevur fjalt fjøllini fyri okkum í allan dag, men nú hómast Støðlafjall í tí fjara, meðan G! andin sveimar yvir alla Syðrugøtu og strekkir seg yvir til tjaldingarøkið, har tey kátu ungu seta leiðina nú.
Fyrsti dagurin var sera væl eydnaður, siga fyriskipararnir.