G! festivalurin, sum hevur verið hildin í Syðrugötu síðani 2002, byrjar í dag og heldur fram til leygardagin.

Við framúr góðum veðri hava uppsetingin og seinastu fyrireikingarnar gingið væl, og nógv fólk kemur at vitja Syðrugötu næstu dagarnar.

Tónleikaskráin byrjar við Enekk, sum hevur havt grundleggjandi ávirkan á föroyskan tónleik síðani tíðliga í nítiárunum. Enekk letur Spæliplássið upp kl. 17.

Kl. 18 letur pallurin á Sandinum upp við Einangran, sum Lea Kampmann og Heiðrik av Heygum standa aftanfyri. Síðan kemur ein perluröð av fjölbroyttum og forkunnugum tónleiki, m.a. Samba Toure við sínum eyðkendu afrikansku Songhoi bluestónum úr Mali, Sound of the Damned úr Grönlandi, Das Body úr Noregi, íslendsku GRÓA, donsku veitslumakararnir Specktors (Untz Untz Untz), og niðurlendsku Personal Trainer.

Harumframt verður ein spennandi skrá í Fjósinum við m.a. Elinborg, útgávukonsert við Silvurdrongi, Ragnar Finsson, og filmssýning fyrr um dagin.

Longu í gjár byrjaði veitslan á tjaldingarökinum, og í pottunum á sandinum. So kom við til Syðrugötu til eina ógloymandi byrjan upp á festivalin, við framúr tónleiki, góðum felagsskapi og tí besta av föroyskum gestablídni og veitslulagi.

Tú mást fara!