Maskinan, sum er 600 fermetrar til støddar og staðsett á Amager í Keypmannahavn, er størsti sjúklingadrivni verkstaðurin í Skandinavia. Her stjórna vit - tey sonevndu sálarsjúku og viðkvæmu sjúklingarnir - okkum sjálvi, hjálpa hvørjum øðrum og styrkja hvønn annan ígjøgnum kreativar aktivitetir, okkara felagsskap, og týdningin av at reka okkara egna stað.

Søren Dixen, ein av stovnarunum og formaður í nevndini, fer at greiða frá um sína endurmenning, menningina av MaskineMaskine og ætlanina um at íblása líknandi verkætlanir í Føroyum. Við Søren á pallinum eru maskinistarnir Kristian Andersen og Bruno Eysturstein.