Á ársins G! Festivali verður eitt spennandi pallborðskjak við heitinum "Føroyska innrásin í Íslandi".

Kjakið snýr seg um tíðarskeiðið fyrst í 00-unum, tá ið føroyskir bólkar sum Týr, Clickhaze, Krit, og Eivør Pálsdóttir tóku Ísland við storm og gjørdust partur av íslendska tónleikapallinum. Luttakarar í kjakinum eru Arnar Eggert, íslendskur blaðmaður og poppfrøðingur, Jón Tyril, stovnari av G! Festivalinum og fyrrverandi limur í Clickhaze, og Knút Háberg Eysturstein, tónleikari og PhD-lesandi í tónleikafrøði, sum fer at leiða prátið. Teir fara at lýsa hvussu hendan tónleikaferð broytti føroyskan tónleik og hvussu hendan tíðin hevur sett spor í nútíðar føroyskan tónleik. Kom og fá eitt innlit í eina serliga tíð, har ein føroysk tónleikabylgja floymdi inn yvir Ísland og setti síni týðiligu spor, serliga heima í Føroyum, heilt fram í okkara dagar.