Júxn er mentanin, sum slær ring um, styðjar og fylgir tónleikinum. Tað er ein pallur til djúphugsan, eitt stað har tú kanst grunda um lívið eina lötu. Her fáast vit við tey truplu evnini og uppliva kroppin, dans, bön og hátíðarhalda sang og bókmentir. Her fáa vit innlit í, hví nútíðin sær út sum hon ger, hvussu umstöður okkara mynda okkum, og hvar í menningini vit eru nú.

Skráin gevur tær möguleika at uppliva eina serliga samanrenning av tí kenda og tí nýggja, tí sissandi ella avbjóðandi, innbjóðandi ella gátuföra. Skráin vísir fjölbroytnið í föroyskari mentan, sum gevur okkum vakurleika, gevur okkum íblástur og ger okkum bilsin.

Her upplivir tú föroysku mentanina, tá ið hon er reinast og mest hugtakandi, og har tað gamla og tað nýggja, tað ókenda og tað kenda, renna saman í eitt.      

Föroyska mentanin er ein góð blanding av fornum siðum og nútíðaranda, og skapar hetta eitt livandi og mennandi mentanarligt landslag. Mentanin her er ein livandi vera, hvört vit tosa um kvæði ella núliga list og bókmentir. Á Jüxn hátíðarhalda vit hetta margfeldið og vísa alt frá söguligum frágreiðingum til nýmenning, og pallurin er sostatt eitt stað, har fortíðin og nútíðin kunnu ríka hvörja aðra.  

Á Júxn bjóða vit eisini gestum uttan úr heimi vælkomnum, og tú fært hövið at fáa innlit í rák haðani. Hesir altjóða gestir bjóða nýggj sjónarhorn og hugskot og ríka sostatt um okkara fatan av heiminum og pláss okkara í honum. Tá ið teir upptraðka, verða vit tengd at mentanarligum ráki úr öðrum londum og víðka um okkara sjónarring. 

Kom við okkum á eina ferð, sum stimbrar sinn, skinn og sál. Um tað so er föroyskt ella fremmant, hava vit eina skrá sum fevnir um öll.