Gisting sett til sölu
Gistingarmöguleikarnir, ið G! bjóðar, eru nú lagdir til sölu á heimasíðuni. Sölan av tjaldingarplássum hevur gingið væl. Nú kanst tú tryggja tær gisting í skúlastovu við Götugjógv, gisting í skúlastovu í Leirvík, gisting í kliva í fimleikarhöllini við Götugjógv ella bátapláss í Syðrugötu. Tað er sera avmarkað atgongd, so tað ræður um um at verða skjótur á knöttunum.
Tjalding í urtagörðum í Syðrugötu
Kundi tú hugsa tær at farið á festival við allari familjuni, so er tjalding í urtagörðum í Syðrugötu eitt barnavinarligt tilboð. Tú ert í bygdini tætt við sandin, har börnini frítt kunnu spæla allan dagin.
Húsvognar
Tú kanst keypa tær pláss til húsvogn við ítróttarvöllin í Norðragötu ella við lendingina í Syðrugötu.
Gisting í skúlastovu
Tú keypir atgongd til eina skúlastovu í Götu ella í Leirvík, har tú kanst halda til dagarnar, meðan G! er.
Busssamband er ímillum Götu og Leirvík hvönn tíma, meðan festivalurin koyrir. Í hvörjari stovu er pláss fyri 8 fólkum. Madrassur eru í stovuni, men seingjarklæðir ella soviposa taka tit við sjálv.
Gisting í kliva
Tú keypir tær atgongd til ein kliva, har 4 madrassur eru, so tú og trý onnur hava eitt stað, har tit kunnu sova. Seingjarklæði/soviposa hava tit við sjálv.
Morgunmatur er til keyps á skúlanum.
Bátapláss í Syðrugötu
Tit kunnu keypa tykkum pláss við lendingina í Syðrugötu og soleiðis njóta at húsast í hjartanum av festivalinum. Tit hava atgongd til vatn, streym og stutt er til almennu festival vesini.
Skunda tær og bílegg, áðrenn uppi er