Ash Olsen er ein av bestu ungu rapparunum úr Norra. Hon hevur tikið bæði tónleikavinnu og áhoyrarar púrasta á bóli í heimlandinum. Lagið Kit Kat hevur verið vælfagnað á Tik Tok, og hevur samstundis fingið flog á dansigólvum kring alt Norra, og nú eisini í útvarpi og Spotify. 

Vit vóru so heppin at hoyra Ash Olsen framföra á Iceland Airwaves, har hon hevði eina heilt einastandandi, rúnarbindandi og orkumikla framförslu, sigur Högni Lisberg, tónleikastjóri, og vísir á, at har er breið semja um, at hetta er eitt listafólk, sum sær út til at fara at fáa sítt stóra altjóða gjøgnumbrot, áðrenn vit vita av.

Við Ash Olsen er eingin ivi um, at veitslan, ið tónleikastjórin lovaði í Kringvarpinum seinastu viku, verður sparkað enn harðari í gongd, og væntandi dansar öll bygdin við til hennara fangandi lög og stev. Ja, vit vænta at föroyingar veruliga fara at taka Ash Olsen til sín.

G! hevur öll árini lagt seg eftir at bjóða növn, ið eru á veg móti stjörnunum, og hetta er eitt dömi um júst hetta. 

Við at kunngera Ash Olsen nú, er ríkur möguleiki at fáa tónleik hennara ordiliga undir húðina, meðan vit fyrireika okkum til veitsluna í Syðrugötu 18.-20. juli 2024.