Leygardagin 15. juli á G! Festivalinum klokkan 15.00 verður eitt tiltak við heitinum Unconscious___Conscious Materiality, sum er fyriskipað av Forlagnum Eksil og av listafólkunum Guðrið Poulsen og Jón Sonna Jensen.

Á skránni verður ein sokallaður Art Walk, har steðgað verður á einum útvaldum staðið við Gøtugjógv, har hildin verður ein felags te-seremoni við eini stillisløtu, og síðan bókmentaligum upplestri.

Aftaná túrin gongur leiðin til Syðrugøtu og fernisering av eini framsýning í atelierinum hjá Rønn, við teimum báðum listafólkunum, har tey sýna verk og tilfarsroyndir. Til ferniseringina verða fleiri upplestrar, og eitt S&S panel við Guðrið Poulsen og Jón Sonna Jensen

Skráin:

15:00 Allir áhugaðir luttakarar hittast við matstovuni Brimborg við Gøtugjógv, har gongutúrurin byrjar. (Túrurin er sera lættur, sí kort)

16:00 Fernisering í atelierinum hjá Rønn í Syðrugøtu

(Addressa: Úti í bø - millum hús nummar 7 og 9, sí kort)

17:00 Tiltakið endar