Æðrasoppar enda veitsluna fríggjadagin
Æðrasoppar eru støðugt umskiftiligir, eins og tankarnir. Um tú hugsar eitt, hugsar tú skjótt tvey, og soleiðis eru Æðrasoppar eisini. Ein ósamanhangandi streymur av øllum, sum tú ynskir tær og/ella ræðist.
Tá man fer til framførslu hjá Æðrasoppum, rópar mann ofta "Æðrasoppar!", og mann verður glaður, tí tað er eitt fínt orð at rópa. Soleiðis er tað. At vera á konsert hjá Æðrasoppum er sum tá mann vaknar 10 minuttir áðrenn vekkarin ringir og leggur seg aftur og liggur so óendaliga væl og sovnar lætt og hvílir væl og droymir ótrúliga nógv um gerandisligar støður, sum eins væl kundu verið veruligar.
Æðrasoppar og G! festivalurin hanga saman sum súreplið og súreplatræið. Eitt er tað eina, og hitt er hitt.
Æðrasoppar syrgja fyri endaballinum á Spæliplássinum fríggjakvøldið (leygarnáttina) kl. 02:30.