Hendan verkstovan førir teg ígjøgnum eina prosess, sum fer at stimbra tín kreativitet og títt dirvi til at hugsa utopiskt og at ávirka broyting. Vit leggja út við einum felags hugaroki um trupulleikarnar í heiminum í dag og tess orsøkir, og flyta okkum síðan víðari til at kanna, hvussu eitt fullkomið samfelag hevði sæð út. Harnæst koma spurningarnir um, hvussu vit røkka hesum samfelagnum, hvat fyri broytingar eru neyðugar, og hvussu vit fáa hesar broytingar at henda. Í prosessini nerta vit óbeinleiðis við fleiri filosofiskar spurningar, ið viðvíkja menniskjaligari náttúru, makt, (ó)rættvísi, morali, o.s.fr.
Verkstovuformatið byggir á grundreglur innan kritiska námsfrøði. Tað merkir m.a., at verkstovuleiðararnir ikki fara at hava nakra framløgu. Í staðin verður verkstovan karmur um eina prosess, har luttakararnir á verkstovuni skapa læruúrtøkurnar í felag.
Endamálið við verkstovuni er at skapa eitt rúm fyri utopiskari spekulatión, har øll fáa íblástur og stuðul til at menna sítt egna ástøði um sosiala broyting og til at leggja strategi fyri, hvussu mann reint praktiskt kann ávirka og fremja tær broytingar, mann ynskir at síggja.
Verkstovan verður á føroyskum og/ella enskum alt eftir bakgrundini hjá luttakarunum.
Øll eru hjartaliga vælkomin!

Verkstovuleiðarar: Elisabeth Skarðhamar Olsen og Natasha Verco