Festivalurin vaknar til G!uðstænastuna
Tað er stilt, við eitt sindur av dismi. Sólin er risin og mongu tiltøkini, ið G! hevur at bjóða, eru longu skotin í gongd.
Sandurin
Aftur í morgun var Technoyoga á skránni. A-menniskjuni vóru fresh og við uppá tað – B-menniskjuni hinvegin... Ja tey liggja allarhelst enn undir fjálgu dýnini.
Fjósið
Eisini var ein ávís sálarbót á skránni, nevnliga árliga Guðstænastan á G! Kórsangurin var lívligur og eitt frískt alternativ, til harðu tónarnar frá gjárdegnum. Hýrurin var góður og Fjósið var fult.
Prestur minti á fjallaprædiku Jesusar, og hevði ein simplan boðskap: “Elska fígginda tín”. Sagt var m.a. at:
“At løna góðum við ringum er djevulskt. At løna góðum við góðum er menniskjaligt. Og at løna ringum við góðum er guddómligt.”