14 Jul 2018

HOYMA við Teitur

G! er stórt og vilt, men stundum eisini lítið og intimt. Vit hava verið heima hjá Juliu og Jóna í Syðrugøtu til HOYMA við Teitur.

HOYMA hjá Juliu og Jóna í Syðrugøtu var klaverið í stovuni, sum vanliga vendir móti vegginum, nú vent móti sofuni og stóru vindeygunum, sum hyggja út á Gøtuvík. Jóni lat vindeyguni upp, nú stovan var um at fyllast við gestum, og inni í køkinum bjóðaðu tey Okkara G!, kaffi og gularótakaku.


Seks minuttir seinni enn ásettu byrjan kemur Teitur til klaverið. Tey hava bíðað eftir seinastu gestunum, men møguliga eru tey enn úti við Norðlýsinum, so hann velur bara at byrja konsertina. Hann spyr, um nakar er, sum ikki skilir føroyskt. Nøkur fá koyra hondina upp. “So má eg heldur tosa á enskum,” sigur hann og flennur við síni eyðkendu, róligu rødd.


Sera hóskandi til høvið byrjar Teitur sína framførslu við lagnum ‘Home’. Tað serliga við hesum HOYMA konsertunum er jú, at tú upplivir meira enn bara tónleikin. Teitur fortelur um, hvussu “ósexutur” íblásturin til vakra sangin var. Hann sat nemliga og las eina grein í einum vikublaði um hús og heim, sum leiddi hansara tankar til, hvussu ymiskt vit menniskju uppfata orðið og kensluna ‘heima’.


HOYMA konsertirnar skapa eitt samspæl millum tónleikara og áhoyrarar, sum aðrar konsertir ikki megna at umfevna. Eitt innlit í søgur handan orðini, vit longu halda okkum kenna, men sum víðka upplivingina av tónleikinum, nú vit fyri fyrstu ferð hoyra sangin við hesi nýggju vitanini. Um, hvussu mjørki á flogvøllinum í Vágum í 2012 førdi til, at Teitur fekk eitt brúkt flygil úr Saltangará til Velbastaðar, hvussu fløgan Káta Hornið birtist av einari kenslu av at vera ov langt heimanífrá, og hvussu gentan Josephine við sínum skálkabrøgdum ríkaði summurini í Sørvági hjá smádreinginum Teiti.


Seinastu árini hevur G! festivalurin bjóðað sera væl umtóktu HOYMA konsertirnar, men sjálvt hugtakið HOYMA byrjaði sum eitt lítillátið alternativ til G! festivalin, tá illa stóð til við fíggjarstøðuni hjá festivalinum í 2013. Síðan er HOYMA tiltakið vorðið eitt hæddarpunkt í sær sjálvum, og hvørt ár verða konsertirnar útseldar.


Beint eftir matveitsluna leygardagin fer Teitur fyri fyrstu ferð at framføra frá nýggju fløguni ‘I Want To Be Kind’ á palli í Føroyum. “So tað verður eitt slag av útgávukonsert,” sigur hann at enda. Teitur spælir á Sandinum leygardagin kl. 17.15.

 

13 Jul 2019
Fatboy Slim on the Beach Tonight!

The moment we've all been waiting for is almost here. This year's headliner takes the beach stage tonight. Read more »

13 Jul 2019
G! 2019 -- The Food

When one thinks of festivals, what comes to mind is music, chill vibes and cool parties. But this year, G! guests can also think of food. Read more »

13 Jul 2019
"You took all my bones..."

Greta Svabo Bech's amazing voice just cuts straight to the heart. Be there when she takes the stage on the sand at 22:10 tonight. Read more »

13 Jul 2019
This year's coolest campsite award goes to... the Swans' Nest!

With their dedication to theme, noise, and just having a great time, there's no doubt in our minds which campsite takes this year's award. Read more »

13 Jul 2019
The 2019 G! Singalong

Tonight everyone will gather on the beach for a G! tradition: the singalong. Want to join in? The lyrics to all the songs can be found on the free Sona app! Read more »

12 Jul 2019
Grundin - the Nightclub by the Sea - Launches Tonight

Has the festival really begun, before Grundin opens? We'll see you tonight at G!'s hottest dance venue, located in an old building foundation by the fjord. Read more »