"Tað er ein stór gleði og æra at kunngera at enski Rag´n´Bone Man kemur at framføra á G! 2018. Seinasta árið hevur veruliga verið eitt Rag´n´Bone man ár. Staklagið Human kom út september 2016, og fløgan við sama heitið, ið kom út í februar 2017 er longu nú vorðin aldarinnar skjótast seljandi fyrsta útgáva, har hon hevur ligið á topp 10 listanum í 29 samanhangandi vikur. Heitislagið “Human" hevur ligið nummar eitt í 40 londum og hevur selt næstan 4 milliónir eintøk."

Rag´n´Bone er meira og annað enn tað stóra innan altjóða popp, hitt og sølulistar. Hann hevur við sínum tónleiki klárað at rakt okkurt heilt serstakt og djúpt, og hansara bergtakandi tónleikur er eitt frískt lot innan nýmótast popptónleik. Rætt og slætt magiskt og tað kann upplivast á Gøtusandi.