Eg og tú og hann sjálvur festligi, tú møtti á sandinum í gjár og hon sjálv reyðhærda yviri í tí svarta teltinum, tú hevur eitt gott eyga á. Øll eru vit boðin við til skrúðgonguna yvir øllum skrúðgongum, tá gingið verður frá einum hátíðarhaldi yvir í eitt annað.

Klokkan 17 á tjaldingarøkinum í Sarpugerði tendra vit hart fyri tí fantastiska ørskapinum, vit øll eru partur av. Heimskendu street-tónleikararnir Brothers Moving ganga á odda, tá blásarar, apur, bananir, gyklarar, hítur og eg og tú fara flúgvandi eftir alfaravegi yvir til Fjósið í Syðrugøtu, har vit dansa víðari til Spælimenninar og Silvurdrongin.

Eru vit tyst? Tað er tí vit hava Skopunhagen at taka sær av okkum á vegnum. Kom við!

Meira info her!