G! verður partur av heimsrundferð hjá MØ
Hon hevur júst kunngjørt sína heimsrundferð í summar. Hon steðgar í New York, hon steðgar í Sydney og har í millum steðgar hon jú eisini í Syðrugøtu
G! Festival verður nevniliga partur av heimsrundferðini hjá MØ, sum er yndis elektro popp madamman hjá øllum heiminum í løtuni.
Á gáttuni liggur onnur útgáva frá donsku heimsstjørnuni, og hon hevur longu latið fjepparum fýra stakløg av plátuni. Millum annað hetta lagið, sum sera hóskandi snýr seg um at lata telefonina liggja eftir heima og í staðin draga út í náttina at dansa.
Í summar dansa vit við MØ á sandinum í Syðrugøtu, tá hon trínur á pallin á G! Festival hóskvøldið 13. juli.
Sangarinnan við borgarliga navninum Karen Marie Ørsted er fødd í 1988 og hevur – hóast hon enn bara hevur útgivið eina plátu – leypin fullan við viðurkenning og virðislønum.
Keyp vikuskiftispass til G! her og tryggja tær eitt pláss á sandinum frammanfyri heimsstjørnuni MØ.