Tónleikadrotningin er heimafturkomin!
Annika Hoydal telist millum föroya dýrabarastu tónleikadýrgripir, og kemur hon at framföra á Sandinum í kvöld
Í kvöld kl.19.30 trínur ein av mætastu tónleikarum, vit eiga her á landi, Annika Hoydal, á stóra pallin á Sandinum, virðiligur eini drotning.
Saman við vakra útsýninum yvir víkina verður sandurin karmur um eina ógloymandi lötu, har Annika fer at framföra lög av nýggju útgávu hennara, Endurljós, umframt góðar, gamlar slagarar, sum 'Aldan,' ið ein og hvör föroyingur dugir at syngja við til.
Annika Hoydal er í betri venjing enn nakrantíð fyrr. Hennara sterka og reina rödd ljómar vökur og sterk, bæði tá hon syngur sínar sangir, sum fyri langari tíð síðani eru vorðin fólkaogn, og tá hon ber fram nýggju lögini, sum hon hevur skrivað til tekstir hjá beiggja sínum, Gunnari Hoydal.
Annika skal upplivast, og tað gleða vit okkum til!