Poesi á bygd - ein poetisk rundferð í Syðrugøtu
Sum partur av mentanartiltøkunum, sum ikki beinleiðis hava við tónleik at gera, verður labORÐatoriið, har rithøvundar fara at hita upp leygardagin á G! - millum klokkan 15:00 og 16:30.
Áðrenn konsertirnar byrja á sandinum, bjóða rithøvundar poetiska rundferð í Syðrugøtu, har lisið verður á svalum, á trappusteinum og undir onkrum snóri. Um illa viðrar, verður farið inn í stovurnar at lesa.
Ferðin byrjar Úti í Grógv hjá Ranvør og Páll. Tveir rithøvundar lesa upp á hvørjum staði, umleið 10 minuttir hvør. Síðani verður við G!-flaggið gingið til næsta staðið.
Skráin á rundferðini:
kl. 15:00: Gróvargøta 9, hjá Ranvør og Páll: Marjun Syderbø Kjælnes og Arnbjørn Dalsgarð
Kl. 15:30: Gróvargøta 8, hjá Rønn og Pól: Kim Simonsen og Sissal Kampmann
Kl. 16:00: Úti í Bø 14, hjá Vónbjørt og Kim: Lív Maria Róadóttir Jæger og Anna Malan Jógvansdóttir