Vit eru í stórari sorg, nú vit hava frætt at Oliver Tree er deyður í eini vanlukku.
Í summar skuldi hann standa á palli í Syðrugøtu framman fyri føroyskum og altjóða festivalgestum. Tað verður nú av ongum.
Sum festivalur hugsa vit ikki um skránna í dag. Vit hugsa um menniskjað. Um ein listamann, sum bert 32 ára gamal er farin okkum frá, alt ov tíðliga. Og vit hugsa um familju, vinir, starvsfelagar og øll tey, sum nú sita eftir í sorg.
Tónleikur hevur eina serliga megi at savna fólk. Oliver Tree skapti sín heilt egna heim gjøgnum sín tónleik, og nógv fara at minnast hann fyri bæði hugflogið, dirvið og sangirnar, sum hava fylgt teimum gjøgnum lívið.
Í kvøld senda vit okkara djúpastu samkenslu til øll, ið syrgja.

Hvíl í friði, Oliver.
G! Festival