Ein livandi og ópolerað rødd smeltar saman við eini ljóðmynd av synthum og rúmdareffektum. Nærveran í røddini hjá Konni fær fangandi løgini at liva sítt egna lív í einum heimi av elektroniskum tólum. Bólkurin er mannaður av Konni Kass, Knút Háberg Eysturstein, Torleik Mortensen og Per Ingvald Højgaard Petersen. Eitt lovandi nýtt navn innan føroyskan tónleik, og bíðað verður í spenningi eftir teirra fyrstu útgávu, ið kemur í septembur 2016.