Guðrið Hansdóttir hevur verið virkin tónleikari í tvey áratíggjur og hevur við sínum fangandi, nærlagda og melankolska tónleiki, vunnið hjørtuni á bæði føroyskum og útlenskum áhoyrarum. Guðrið hevur spælt víða um og hevur verið á fleiri tónleikaferðum í eitt nú USA og Russlandi. Nú er hon aftur aktuell við síni 6. solo útgávu við heitinum “Gult myrkur”, sum hevur verið sera væl móttikin. Løgini “Blátt mykur” og “Træ” feat. Eivør, hava verið nógv spælt í føroyskum og týskum útvarpi. Nýggja útgávan er persónlig, erlig og beint frá hjaranum. Útgávan, sum øll er á føroyskum er eitt samstarv við føroyska yrkjaran Lív Mariu Róadóttir Jæger og saman hava tær skapt eitt ljóðunivers við løgum sum snúgva seg um eitt nú nærastu (og sverastu) kærleiksrelatiónirnar í skiftandi ljósi, myrkri og skuggum – kærleikin til barnið, til tann man livir saman við, til foreldrið, til tann man misti, til bakspeglið og til framtíðina.