La Fleur er ein av teimum mest áhugaverdu elektronisku tónleikanøvnunum, sum nakrantíð hava spælt á G!
La Fleur er svensk og býr í Stockholm, har hon rekur sítt egna plátufelag við heitinum Power Plant. Power Plant gevur henni frælsi og rásarúm at menna seg listarliga og at kanna ymisku krókarnar í elektroniska tónleikaheiminum.
Í netblaðnum Mixmag bleiv La Fleur róst til skýggja fyri síni evni handan dj pultin, sum endaði við einari DJ upptraðkan á BBC Radio 1, Essential Mix. Tá La Fleur ikki er í studio, stendur hon á teimum størstu elektronisku pallunum í heiminum. Vit kunnu nevna millum annað Sonus Festival, Tomorrowland, Melt! Festival, Junction 2, Ultra Music Festival Miami, Resistance Ibiza, Lollapalooza Stockholm, Fusion, Creamfields, Loveland, Warehouse Project og Department Festival á heimavøllinum Stockholm.
Nú er tíðin komin til at fáa Grundina at kóka, og vit gleða okkum!