Fyri Janus Rasmussen hevur tónleikurin altíð haft nógv at siga. Tá ið Janus vaks upp, í Føroyum, plagdi hann at lurta eftir øllum teimum plátunum, hann fekk hendur á, og royndi soleiðis at granska og áseta nágreiniliga, hvat honum dámdi við tónleikinum.
Seinni gav nørdaríðið honum ein geisandi eldhuga at skapa sína egnu ljóðmynd, sum eyðlýsir Janus Rasmussen.
Janus Rasmussen býr í Reykjavík, har hann stovnaði bólkin KIASMOS saman við navnframa Ólafur Arnalds. Við KIASMOS hevur Janus ferðast kring allan heimin og framført á stórum elektroniskum pallum og festivalum.
Janus hevur seinastu árini arbeitt við solotilfarinum, sum endaði við fyrstu útgávuni Vín, sum bleiv útgivin hjá týska plátufelagnum Ki Records.