Tónleikurin hjá Hans Andreasi er myrkur og kensluborin. Løgini eru vælskrivað, innilig og eru eitt framúrskarandi bland av fólkatónleiki og amerikana rokki. Síðan hann gav út fløguna, Vision, í 2016 hevur evnaríki trubadururin úr Klaksvík spælt nógv bæði í Føroyum og úti í heimi, m.a. í Danmark, Sveis, Póllandi og Russlandi. Hetta er transatlantiski trubadururin. Hetta er amerikanskt úr Norðuratlantshavi.