2018 verður árið, tá drúgvi G! favoritturin Hogni vendir aftur. Hogni hevur givið okkum øsandi framførslur á undanfarnum G! Festivalum, men nú eru tað nøkur ár síðani seinast. Við sær á pall hevur hann tónleikaligu kammerátarnar Jan Rúna Poulsen (trummur) og Knút Háberg Eysturstein (keys). Trioin fer at framføra eina konsert á tremur við eyðkendum Høgnaløgum um kollvelting, órætt, myrkur og - viktigast av øllum - kærleika!
Hogni gav seks solo plátur út frá 2003 til 2014 og hann er virkin í fleiri ymsum samanhangum á føroyska tónleikapallinum. Sangir hansara hava milliónir av spælingum á netinum, og hava verið nýttir í sjónvarpsrøðum og lýsingum kring heimin, líka frá USA til Avstralia. Hogni hevur áður túrað í Evropa og framført á Roskilde Festival, Spot Festival, Iceland Airwaves, SXSW, Midem, Italia Wave Love o.a. Tað er okkum ein findargleði at hava Høgna aftur á plakatini.